Mootummaan Carraa Hojii Uumuu fi Badhaadhina Hunda Galeessa
Mootummaan carraa hojii yeroo yerootti hoji-dhabdootaaf uumuun hiyyummaa fi gadadoon akka badaa deemu, badhaadhinni hunda galeessi akka mirkanaa’uuf kutannoon hojjechaa jira. Kanaanis waggaa waggaan namoonni miliyoonaan lakkaawaman carraa hojii uumameef irraa fayyadamaa ta’aniiru.
Carraa Hojii Gosa Gara Garaa
Mootummaan carraawwan hojii gosa gara garaa gadi buuse irratti hoji-dhabdoonni gurmaayuun caalaatti fayyadamoo akka ta’aniif, sadarkaa naannoorraa hanga gandaatti walitti hidhamiinsa jiru cimsuun murteessaa ta’eera. Innisheetiiviiwwan qonnaa gara garaa hojiirra oolaa jiranis carraa hojii uumamaa jiru bu’a qabeessa taasisanii jiru. Dameewwan qonnaa, tajaajilaa, oomishaa fi kanneen birootiin carraawwan hojii jiran irratti gurmaayuun bu’a qabeessa ta’uu danda’ameera. Naannoon keenya gama kanaan muuxannoo guddaa qaba.
Badhaadhina Magaalaa Shaashamannee
Akka Bulchiinsa Magaalaa Shaashamanneetti, bara baraan carraan hojii dargaggoota hoji-dhabeyyii fi hawaasa bal’aaf uumamaa jiru bu’aa hedduu galmeessisaa jira. Dameewwan hojii gara garaa irratti gurmaayuun, kanneen qabeenya horachuun gara investimentiitti ce’an hedduu dha.
Dargaggoo Geetuu Worquu, waldaa hoji-dhabdootaatiin waggaa kudhan dura gurmaayuun carraa hojii argate, akka fakkeenyaatti kaafameera. Geetuun, maallaqa xiqqaan hojii oomisha bilookkeettii jalqabee, maashina xiqqaa fayyadamuun guyyaa tokko keessatti bilookkeettii dhibba torbaa hanga saddeetii oomishuu jalqabe. Hojii isaa cimee itti fufuun, bu’aa abdachiisaa galmeessaa ture.
Guddina Oomisha Bilookkeettii
Geetuun, waldaa “Oomisha Bilookkeettii Gaaddisee” jedhamuun gurmaayee, bu’aa argataa dhufan irraa ka’uun maashina guddaa galchuun guyyaa tokko keessatti bilookkeettii kumaatamaan oomishuu jalqabe. Oomishni isaa baay’inaafi qulqullinna qabuun hawaasa bal’aaf fayyadamaa ta’eera. Hanga ammaatti, dhaabbilee 70 ol carraa hojii uumuun, hojjattoota koontiraataa hedduufis carraa hojii kenneera. Oomisha bilookkeettii dabalatee, teeraazoo fi ujummoo oomishuunis faayidaa guddaa buuseera.
Geetuun, haala dhiphinna iddoo oomishaa fi gurgurtaa furachuuf deeggarsa mootummaa barbaaduu isaa ibsee, gabaasa fooyya’aa fi iddoo bal’aan yoo argame, oomisha dabaluu akka danda’u himeera.
Hojii Hawaasummaa Fakkeenyummaa Qabu
Geetuun hojii tajaajila lammummaa waggaa dheeraa dura eegaluu isaa yaadachiisuun, hawaasaaf bu’aa buusaa tureera. Isaan keessaa:
- Mana haadholii harka qalleeyyii ijaaruu fi suphuu
- Barattootaaf meeshaalee barnootaa gumaachuu
- Qaama miidhamtootaaf deeggarsa taasisuu
- Daandii keessa keessaa fi ollaa isaa keessatti hojiilee fooyya’insaa gaggeessuu
- Meeshaalee fi maallaqa dhaabbilee gara garaatiif gumaachuu
Hojii hawaasummaa kanaan, ollaa, firaafi manneen amantaa musliimaa fi kiristaanaa gidduutti deeggarsa wal-qixxummaa qabu taasisuun, fakkeenya gaarii ta’eera.
Dameewwan Investimentii
Geetuun bu’aa oomisha bilookkeettii irraa argataa tureen, investimentii qonnaa, hoteela, warshaafi dameewwan biroo keessatti hirmaachuun, carraa hojii hedduu uumuun hawaasa isaa fayyadamaa taasiseera. Badhaasaa fi beekkamtii gara garaa argachuun, muuxannoo isaa itti fufeera.
