Ergama (Mission) Waajjira
Qabeenya Aadaa fi Turiizimii Magaalichaa hirmaannaa ummataa fi qooda fudhattootaan qorachuu, misoomsuu fi beeksisuun gahee sektarichi badhaadhina biyyaa keessatti qabu mirkaneessuu.
Mul’ata (Vission) Waajjira
Bara 2022tti Magaalaa Shaashamannee akka naannoo Oromiyaatti Aadaa gabbataan itti misoomee fi iddoo ga’umsa turistii filatamtuu taasisuu.
Duudhaalee (Value) Waajjira
Ergama, mul’ata mana hojii fi kaayyoo tarsiimo’aa galmaan gahuuf WaajjiraAadaa fi Turiizimii Bulchiinsa Magaalaa Shaashamannee duudhaalee falaasama sirna gadaa karaa cimina qabuun hojiirra oolchuu qaba.Haaluma kanaan, duudhaalee ijoon Waajjira Aadaa fi Turiizimii Bulchiinsa Magaalaa Shaashamannee fi caasaalee isaa sadarkaan jiran keessatti calaqqifamuu qaban:-
- Tajaajila qulqullina qabu/Quality Service
- Kabaja Aadaa /Observance of cultural values/
- Aadaa hojii gaarii /Delegence/
- Kaka’umsaafi bu’aa qabeessummaa /Industriousness/
- Simannaa gaarii /Hospitality/
- Ittigaafatamummaa /Accountability/
- Iftomina /Transparency/
- Hirmaachisummaa /Participatory/
Aangoo fi Hojii Waajjira Aadaafi Turiizimii Magaalaa Shaashamannee
Labsii qaamolee raawwachiiftuu mootummaa naannoo irra deebiidhaan gurmeessuuf, aangoofi hojii isaanii murteessuuf bahe Labsii Lakk. 242/2014 hundaa’een waajjirichi aangoofi hojii armaan gadii ni qaba:
- Dhimmoota aadaa fi turiizimii Magaaliichaa ilaalchisee yaada imaammataa ni burqisiisa; hojiirra akka oolu ni taasisa; hojiirra oolmaa isaa ni deeggara;
- Afaan, seenaafi aartiin ummata Oromoo akka babal’atu ol’aantummaan ni hojjata; qaama Afaan, seenaafi aartii ummata Oromoo qoratuuf deeggarsa ni kenna; qaamota dhimmi ilaalu waliin ta’uun barnoota idilee keessatti akka hammataman haala ni mijeessa;
- Afaan Oromoo keessatti garaagarummaa lugaa xiqqeessuuf akkasumas waaltina Afaan Oromoo irratti qaamoota hojjatan waliin ni hojjata; ni deeggara;
- Barmaatilee miidhaa geessisan kan qorannoon adda bahan hambisuuf hojii hubannoo uumuu ni hojjata; qaamota hojii walfakkaatu hojjatan waliin ni hojjata;
- Magaalichatti sirna haddaarsawwan seena qabeessa ta’an itti qorataman, galmaa’an, walitti qabamaniifi tajaajila qo’annoofi qorannootiif itti oolan, hawwata turistii ta’uun ittiin misoomaniifi gurmaa’an ni diriirsa;
- Magaalicha keessatti ragaalee aadaan walqabatan ni sassaaba; ni xiinxala; ni qindeessa; faayidaarra akka oolu qaama dhimmi ilaaluuf ni dabarsa;
- Ogummaan aartii Oromoo kan akka gochummaa aartii gochimaa, aartii barruu, aartii argamaa, muuziqaa, diraamaa, fiilmiifi fakkii akka babal’ataniifi beekaman haala ni mijeessa; hojiin ogummaa uumee akka jajjabataniifi babal’atan ni taasisa; hayyama ogummaa aartii ni kenna;
- Masaraawwaniifi odoloota akka hambaatti ilaalamaniifi siidaawwan yaadannoo sirnaan akka qabaman ni taasisa; deeggarsa barbaachisaa ni kenna;
- Leenjiifi tajaajila gorsaa kennuun yookiin akka kennamu taasisuun dandeettii raawwachiisummaa dhaabbilee aadaa ni cimsa;
- Gareewwan hawwisoo akka gurmaa’an ni hojjata; cimanii akka of danda’an ni deeggara; haala ni mijeessa;
- Barreeffamootni beeksisaalee adda addaa Magaaliicha keessatti maxxanfaman safuufi duudhaalee hawaasaa kan eegan, dogoggora qubee fi seerluga Afaan Oromoo kan hin qabne ta’uu ni mirkaneessa; ni hordofa; ni to’ata; bakka hanqinni jirutti akkaataa seeraatiin tarkaanfii ni fudhata; akka fudhatamu ni taasisa;
- Mallattoo yookiin maqaafi fakkii daldalaa hambaa magaaliicha keessatti argamaniin bahan sona seenaa hambaa kan hin miine ta’uu isaa ni mirkaneessa;
- Dhaabbileen tajaajila aadaa kan mootummaafi ummataa, godambaawwan, giddugaleessa aadaa, galmawwan aadaa, manneen kitaabaafi haddaarsaa, manneen tiyaatiraafi fiilmii magaaliicha keessatti akka babal’atan ni hojjata; haala ni mijeessa; hayyama ogummaa ni kenna; ni galmeessa;
- Sirna hambaaleen uumamaafi nam-tolchee magaaliichaa itti qoratamanii fi galmaa’an ni diriirsa; sadarkaa ni kennisiisa; ni misoomsa; ni kunuunsa; ni supha; naanneessa hambaalee ni to’ata; hayyama ni kenna;
- Qaamolee guddina seektara aadaa keessatti bu’aa ol’aanaa galmeessan ni jajjabeessa; beekamtii akka argatan ni taasisa; ni badhaasa;
- Iddoowwan hambaalee seenaa, aadaa, amantaafi qabeenya uumamaafi kan kana fakkaatan kanneen sonaafi hawwatummaa qaban seeraan akka daangeeffamaniifi eegaman ni taasisa; ni misoomsa; misoomaafi eegumsa isaanii irratti qaama dhimmi ilaalu waliin ni hojjata;
- Manneen Maree, waldaalee, gumiiwwan fi manneen murtii aadaa sadarkaa sadarkaan akka hundeeffaman haala ni mijeessa; deeggarsa ni kenna;
- Mana maree turiizimii magaaliichaa ni hundeessa; qaamolee miseensota ta’an ni qindeessa; ni hordofa;
- Dhaabbilee kenna tajaajila aadaa ilaalchisee ulaagaa ni baasa; hayyama ogummaa ni kenna; ni haaromsa; ni haqa; qaama dhimmi ilaalu waliin leenjii ni kenna; deeggarsa ogummaa ni kenna; ni to’ata; qaama dhimmi ilaalu waliin sadarkaa ni kenna;
- Qabeenyi aadaa uumamaa hawwata turizimii akka eegamu hojii hubannoo cimsu ni raawwata; carraa misoomaa jiru ni beeksisa; investimentiin turizimii akka babal’atu qaama dhimmi ilaalu waliin ni hojjata;
- Pirojektoota investimentii misooma dhaabbilee aadaa irratti dhiyaatan ni gamaaggama; yaada ogummaa qaama dhimmi ilaaluuf ni dabarsa; deeggarsa ogummaa ni kenna; hojii isaanii ni hordofa;
- magaalicha keessatti mooggasni adabaabaayii, daandii, godinaa magaalaa, aanaa, gandaafi jaarmiyaalee adda addaa maqaa ganamaatti akka sirratu qaama dhimmi ilaalu waliin ni qorata; akka qoratamu ni taasisa; yammuu mirkanaa’u hojiirra ni oolcha; hojiirra akka oolu ni taasisa;
- Haddaarsaalee seena qabeessa ta’an walitti ni qaba; ni galmeessa; ni gurmeessa; tajaajila qo’annoo fi qorannootiif akka oolan ni taasisa;
- Haddaarsaaleen magaalicha sirnaan akka qabaman ni hordofa; manneen hojii keessatti kanneen yeroon tajaajila isaanii xumurame waliitti ni qaba; ni kunuunsa;
- Leenjiiwwan dagaagina ogummaa aadaa akka kennamu ni taasisa; akka barbaachisaa ta’etti wiirtuu leenjii ni hundeessa;
- Namoota yookiin dhaabbilee dhuunfaa hojii tajaajila hiika afaanii kennuu barbaadaniif waraqaa ragaa mirkaneessa gahumsaa ni kenna.
